“Атлетико” клуби дарвозабони Ян Облак Примеранинг 37-турида “Барселона”га қарши кечадиган учрашувда “каталонияликлар” ҳужум чизиғидан жой олган Месси, Неймар ҳамда Суаресдан қўрқмаётганини таъкидлади.
“Мен бу ўйинчалардан қўрқмайман. Лекин уларга қарши ҳаракат қилиш осон бўлмаслигини тан оламан. Бироқ мен ёлғиз эмасман. Қаршимда менга ёрдам берадиган жамоа бор. Мен рақибнинг барча зарбаларини бартараф этишга ҳаракат қиламан”, – деди Облак.
Чемпионат тугашига 2 тур қолганида “Атлетико” 77 очко билан 3-ўринда бормоқда. “Барселона” эса 90 очко тўплаган ҳолда мусобақада пешқадамлик қилмоқда.