Шу йилнинг октябрида Қирғизистон аҳолиси 6 млн нафарга етиши мумкин. Бу ҳақда мамлакат президенти Алмазбек Атамбаев 16 май куни бўлиб ўтган "Халқаро оналар куни" муносабати билан ўтказилган тадбир вақтида маълум қилган.
"Оналаримиз ва аёлларимиз шарофати билан шу йилнинг октябрь ойида мамлакатимиз аҳолиси сони 6 млн нафарни ташкил қилиши кутилмоқда. Қирғизистондаги демографик ўсиш кўрсаткичлари анча яхшиланган. Биз қаҳрамон оналар билан фахрланамиз. Бизда нефть ёки газ бойликлари йўқ, лекин оналаримиз бизнинг бойлигимиздир. Мен барчани бу байрамни ўз онаси ёнида нишонлашга чақираман", дейди у тадбирда сўзлаган нутқи давомида.
Қирғизлар раҳбари яқин йилларда қирғизистонлик оналар шарофати билан мамлакат аҳолиси 10 миллионга етишига ишонишини қўшимча қилиб ўтган.
