Volkswagen компанияси Wörthersee тадбирида Golf GTE Sport концепт карини намойиш қилди. Компания бундай концепт пойга автомобили ва оддий автомобиль ўртасидаги чегараларни йўққа чиқаради, деб таъкидламоқда.
Концепт учта двигателдан иборат гибрид тизимга эга: Polo R WRC пойга автомобилидан олинган асосий (тўғри сепиш ва турбонаддувли) ва иккита электр (олд ва орқа ўқларда) двигатель. Биринчи двигатель 299 от кучига, электродвигателлар 115 от кучига эга. Барча двигателлар ишлаган пайтда машина 400 от кучига, 100 км/соат тезликка 4,3 сонияда эришади. Машинанинг максимал тезлиги 280 км/соатни ташкил қилади. Машина литий-ионли аккумуляторда50 кмйўл боса олади.
Автомобиль кузови деярли тўлиқ углерод толадан ишланган. Салони ичида ҳам углерод ва микрофибрадан фойдаланилган. Машина эшиклари юқорига очилади. Ҳайдовчи ва йўловчи ўриндиқлари орасида тўсиқ ўрнатилган. Анъанавий рул чамбари ўрнига эргономик пойга рули ўрнатилган. Автомобиль кўрсаткичлари учта рақамли дисплейга чиқарилади. Биринчи дисплейда асосий, охиргисида ёрдамчи маълумот чиқарилади. Юриш ва дисплейларда маълумотларнинг акс этиши режимларини ўнгда жойлашган панел ёрдамида бошқариш мумкин.