ФИФАда футбол конфедерациялари раҳбарларининг фавқулодда йиғилиши ўтказилди

ФИФА президенти Йозеф Блаттер 6та футбол конфедерациялари раҳбарлари иштирокида фавқулодда йиғилиш ўтказди. BBC’нинг хабар беришича, тадбирда Шимолий ва Жанубий Америка, Европа, Африка, Осиё ва Океания конфедерациялари раҳбарлари иштирок этган.

Йиғилишда охирги кунларда кўп шовшувга сабаб бўлган коррупция иши муҳокама қилинди. Ушбу иш доирасида ФИФА структурасида ҳамда унга алоқадор компанияларда масъул лавозимларни эгаллаб турган шахслар ҳибсга олинди.