Америкалик миллиардер ва телебошловчи Дональд Трамп 2016 йилда бўлиб ўтадиган АҚШ президентлиги сайловида иштироки ҳақида 16 июнда эълон қилиши кутилмоқда.
Хабарда айтилишича, тадбиркор ўз нияти ҳақида ўзининг Нью-Йоркдаги “Трамп минораси” бизнес марказида 16 июнь куни маълум қилади.
Январь ойида Трамп Республикачилар партиясидан сайловда иштирок этиши мумкинлигини айтганди ва мазкур ҳолатда у Америкада олиб борилаётган ишлардан норозилигини билдирган. Шу ўринда у Барак Обама томонидан олиб борилаётган сиёсатни, хусусан соғлиқни сақлаш соҳасида Obamacare номини олган ислоҳотни танқид қилган.