Италиянинг етти вилоятида – Венето, Лигурия, Тоскана, Умбрия, Марка, Кампания, Апулияда вилоят раҳбарлигига сайловлар бўлиб ўтди. Бу ҳақда Corierre della Serra хабар бермоқда.
Сайловчиларнинг ташриф буюриши ўртача 50 фоизни ташкил қилган.
Бошланғич маълумотларга кўра, Апулия, Тоскана ва Кампания вилоятларида ҳукмрон Демократик партия номзодлари устунлик қилмоқда. Лигурияда эса мухолиф “Олға, Италия” партия вакили ғалаба қозонди. Венетода, мутахассислар тахмин қилгандек, амалдаги губернатор – мухолиф “Шимол лигаси” партияси вакили Лук Дзайя ғалабага яқин турибди.
