"Арсенал" жамоаси бош мураббийи Арсен Венгер Златан Ибраҳимович атрофидаги воқеаларни диққат билан кузатмоқда. Парижни тарк этишни истаётган бу швециялик футболчи Лондонга келиши мумкин. Бу ҳақда Италиядаги Tuttomercatoweb нашрида хабар берилган.
Хабарда ёзилишича, Ибраҳимович Франциядаги ҳаётидан ва ўзига бўлган муносабатдан норози бўлиб, ёзги трансферлар вақтида жамоани тарк этиш ҳақида ўйламоқда. У билан "Арсенал"дан ташқари "Милан", "Челси" ва "Ливерпуль" жамоалари ҳам қизиқишмоқда.
Tuttomercatoweb нашрида айтилишича, унинг жамоадаги ўрни қанчалик муҳим бўлишига қарамасдан, раҳбарият ҳам уни "Арсенал" таклиф этаётган 11 млн фунт эвазига сотиши мумкин. Чунки, унинг парижликлар билан амалдаги шартномаси муддати тугашига 1 йил қолмоқда.