Nestle компаниясининг тез тайёрланадиган Maggi лағмони қонун билан тақиқлаб қўйилгандан сўнг асосий контрабанда товарларидан бирига айланди, деб дарак беради Hindustan Times нашри. Нашрнинг эслатиб ўтишича, у узоқ йиллар мобайнида Ҳиндистондаги севимли таомлардан бири бўлиб келган.
Эндиликда емишнинг мухлислари уни ҳатто йирик шаҳарлардан ҳам катта қийинчиликлар билан қидириб топмоқда. Сотувчилар унинг ўрнига таклиф қилинган лағмонларни ўтказа олмаган.
Эслатиб ўтамиз, ўтган ҳафта Nestle компанияси бутун Ҳиндистон бўйлаб лағмонларни сотувдан чиқарди. Нью-Деҳли ҳокимияти эса 15 тақиқ ўрнатди. Таъкидланишича, маҳсулотнинг навбатдаги партиясида қўрғошин даражасининг ошиб кетиши буларга сабаб бўлган.