Тошкент вилоятининг Оққўрғон туманидаги 78-сонли мактаб-интернат биносини капитал таъмирлаш учун ўтказилган тендерда Шаҳрисабз туман ҳокимлигидан рўйхатдан ўтган Kesh Xurshid Qurilish МЧЖ ғолиб деб топилди. У ўқув биносида 691 млн 470 минг сўмлик таъмирлаш ишларини амалга ошириши лозим эди.
“Ҳуқуқ” нашрининг ёзишича, Файзулло Ашуров фақат ётоқхона биносида капитал таъмир ўтказиб, ўқув корпуси, мажлислар зали, ошхона, устахона, кириш қисмидаги таъмир ишларини бажармаган ва шу орқали 67 млн сўм маблағни ўзлаштирган.
Шунингдек, у иш фаолияти давомида давлат бюджетига тўланиши лозим бўлган солиқлардан бўйин товлаган.
Аммо унинг бу ҳаракатлари фош этилиб, Ашуров жиноий жавобгарликка тортилди.
