Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Спорт | 18:21 / 15.06.2015
    3441
    1 дақиқада ўқилади

    Қирғизистон ҳукумати аъзолари терма жамоанинг Австралия билан ўйинини трибунадан томоша қилишади

    Қирғизистон бош вазири Темир Сариев ҳукумат аъзолари мамлакат терма жамоасини Австралия термасига қарши ўйинда қўллаб-қувватлаш учун боришлари шартлигини белгилаб қўйди. У бу ҳақда 12 июнь куни ўтказилган ҳукумат йиғилишида айтиб ўтган.

    "16 июнь куни терма жамоамиз ўйнайди. Австралия билан. Барча давлат хизматчилари ўйинда Қирғизистон терма жамоасини қўллаб-қувватлаш учун бориши шарт. Бу рўйхат бўйича текширилади. Стадион тўлиши шарт. Мен ўзим ҳам ўша ерда бўламан", дейди Қирғизистон бош вазири.

    У спортни тарғиб қилиш кераклигини таъкидлаган.

    Эслатиб ўтамиз, Қирғизистон терма жамоаси ЖЧ-2018 учун саралаш ўйинларининг биринчи раундида Бангладешдан 3:1 ҳисобида устун келган ва кейинги босқичга ўтган. Бу босқичдаги биринчи ўйин 16 июнь куни Бишкекдаги стадионда Австралияга қарши ўтказилади.