2015 йилнинг 11-14 июнь кунлари Жанубий Корея пойтахти Сеул шаҳрида «Korea World Travel Fair» (KOTFA) 30-халқаро кўргазмаси бўлиб ўтди. Мазкур кўргазма Ўзбекистон вакиллари ҳам иштирок этишди, деб ёзади «Ўзбектуризм» миллий компанияси матбуот хизмати.
Дунёнинг 60та давлатидан 500дан ортиқ иштирокчилар қатнашган кўргазмада Ўзбекистоннинг Жанубий Кореядаги элчихонаси ва «Ўзбектуризм» ҳамкорликда ўз экспозициялари билан ташкил қилишди. Ташкил этилган стендда Ўзбекистоннинг анъанавий услубда безатилган ипак матолар, меъморий ёдгорликлар ва халқ ҳунармандчилиги билан безатилганрангли суратлар намойиш этилди.
Шунингдек, тадбирда Самарқанд, Бухоро, Хива ва Тошкент каби дунёга машҳур шаҳарларининг унутилмас ва бетакрор манзаралари видеоролик орқали намойиш этилди.
Ўзбекистоннинг рангли тасвирларга бой стенди кўргазманинг расмий кундалик ахборотномаси «KOTFA Daily News» саҳифаларида чоп этилди.
Шунингдек, мазкур тадбир давомида «Ўзбектуризм» МК ва «Buyuk Ipak Yo’li» агентлиги ҳамкорлигида «Ўзбекистонга ташриф буюриш учун ўнта сабаб» номи остида Ўзбекистоннинг диққатга сазовор сайёҳлик иншоотлари рангли тасвири туширилган буклетлар тайёрланди.