Бир муддат олдин Ўзбекистонга ташриф буюрган Халқаро теннис федерацияси президенти Франческо Риччи-Битти республика олимпия захиралари теннис мактабида бўлди. У мактабда яратилган шарт-шароитлар билан танишиб чиқиб, ёш теннисчилар билан мулоқот қилди.
Мактаб матбуот марказида уюштирилган матбуот анжумани чоғида Риччи-Битти Ўзбекистоннинг теннис масаласида дунёнинг кўпгина давлатларига учун ўрнак бўла олишини таъкидлаб ўтди.
“Менимча, жаҳон ареналарида қўлга киритилаётган ютуқлар Ўзбекистонда теннисни ривожлантиришга қаратилаётган эътиборнинг натижасидир”, – унинг сўзларини келтиради Жаҳон ахборот агентлиги.
Шунингдек, у Ўзбекистон теннис федерацияси билан самарадор ҳамкорликнинг давом этишига умид билдирди.
