Ямайка терма жамоаси ҳужумчиси Дешорн Браун Америка Кубоги-2015 мусобақаси гуруҳ босқичининг 3-турида Аргентинага қарши учрашувдан кейин аргентиналиклар ҳужумчиси Лионель Месси билан селфи тарзида суратга тушди. Учрашувнинг 78-дақиқасида алмаштирилган “Волеренги” клуби футболчиси Браун ўйин тугашига ҳуштак чалиниши биланоқ аргентиналик суперюлдуз ёнига югуриб келиб, ундан табассум қилишни сўради ҳамда у билан бирга селфи тарзида суратга тушди. Кейинроқ Браун ушбу фотосуратни трибунаости хонасида камерага намойиш қилди.
Учрашув 1:0 ҳисобида Аргентина фойдасига ҳал бўлди. Ямайка термаси бирорта ҳам очко йиға олмай, мусобақани тарк этди.
