Жанубий Кореяда КХДРда инсон ҳуқуқлари бўйича БМТ идораси очилди

Сеулда КХДРда инсон ҳуқуқлари бўйича БМТ идораси очилди. Бу ҳақда Ренхап агентлиги хабар бермоқда.

“Бу ердан 50 миль нарида бошқа дунё мавжуд. Ўн минглаб корейслар у ердан қочиб, Корея Республикасида янги ҳаёт топдилар. Аммо миллионлар нафақат уларнинг эркинлигини, балки асосий эҳтиёжларини ҳам инкор қиладиган тизим домида қолмоқда”, – деди БМТ инсон ҳуқуқлари бўйича олий комиссар Зайд Раъд Зайд ал-Ҳусайн идоранинг очилиш маросимида.

Очилиш маросими юқори хавфсизлик тартибида ўтказилди. Шимолий Корея вакиллари бу ишга тўсқинлик қилиши мумкинлиги бундай чора-тадбирларнинг кўрилишига сабаб бўлди.