30 июнь куни АҚШнинг Hewlett-Packard вендорида ўтказилаётган кенг миқёсли реструктуризация туфайли сервер бизнеси раҳбари ишдан бўшатилгани маълум қилинди.
Компаниянинг расмий баёнотига кўра, ёзда президент ўринбосари, HP Enterprise Group бўлинмаси бош менежери, 47 ёшли Билл Вегте тарк этади. Истеъфо сабаблари маълум қилинмаган. Шунчаки Вегте бундан буён янги лойиҳалар устида ишлаши таъкидланган.
HP’га келишидан олдин (2010) Вегте Microsoft компаниясида раҳбар лавозимлардан бирини эгаллаб турган. У, жумладан, Windows 7 операцион дастурини яратиш бўйича масъул шахслардан бири эди. HP’да у бир неча ой ичида операцион директор лавомизини эгаллади.
2013 йил августида Билл HP Enterprise бўлинмасига раҳбарлик қила бошлади. 2015 йил 1 ноябрида HP Enterprise мустақил компанияга айланади.
2014 йил октябридан буён Билл Вегте реструктуризация ишлари билан шуғулланиб келмоқда, шу боис бўлинмани бошқариш бўйича кўплаб ваколатлар Антонио Нерига берилган эди. Вегтенинг истеъфосидан сўнг Нери бўлинманинг бош менежерига айланади.
