Жанубий Кореянинг LG Chem компанияси дунёдаги биринчи олти бурчакли аккумуляторни тақдим қилди. Муаллифларнинг фикрича, янги технология “ақлли” соатлар ишининг самарадорлигини оширишда қўл келади.
Yonhap нашрининг хабар беришича, олти бурчакли батарея оддий муқобиллардан 25 фоизга самарадорроқдир. У автоэлектрониканинг иш вақтини 4 соатга узайтириб бера олади.
Нашрда ёзилишича, охирги ойлар давомида компания смарт-соатлар ишлаб чиқарувчи халқаро корхоналар билан фаол ҳамкорлик олиб борган. Улар янгиликдан аввалдан бохабар бўлиб, ўз гаджетларини шуларга мослаштирган. Олти бурчакли аккумуляторларга эга дастлабки электрон ускуналар шу йилнинг ўзида чиқарилади.
Компания вакилларининг фикрича, яқин бир неча йил ичида улар яратган маҳсулотга бўлган талаб кескин ошиб кетади.
Gartner таҳлилчиларининг фикрича, икки йилдан сўнг “ақлли” соатлар тегишли бозорнинг 40 фоизини эгаллайди. 2020 йилга келиб эса смарт-соатлар йилига 100 млн дона ишлаб чиқарила бошлайди.
