NASA аэрокосмик агентлиги Prandtl-m (Preliminary Research Aerodynamic Design to Land on Mars) аппаратининг прототипи яратилаётганини маълум қилди. Айтилишича, ушбу учувчи планер Марс сайёрасига юборилади. Планернинг олдига қўйиладиган асосий вазифа Марс сатҳида космик миссиялар қўниши учун қулай жойларни топиш бўлади.
60 см ли ихчам планернинг вазни Ерда 1.2 кг ни ташкил қилади. Марсдаги тортишиш кучи бу вазнни ўртача ярим кг га камайтиради. Бундай енгил аппарат 600 м баландликка кўтарилиб олгач, 32 км масофани бемалол босиб ўта олади.
Планер билан ровернинг учиши 2022-2024 йиллар орасида амалга оширилиши режалаштирилмоқда. Прототип қурилиши эса шу йили якунланади. Шундан сўнг синов босқичи бошланади. Планер, шунингдек, камера ва радиометр билан жиҳозланади.
