ИШИДнинг раҳбарларидан бири Суриядаги авиазарбаларда ҳалок бўлди

ИШИД гуруҳининг раҳбарларидан бири Сурияда амалга оширилган авиазарбаларда ҳалок бўлди, деб хабар берди Пентагон вакили Жефф Дэвис.
Унинг сўзларига қараганда, Тариқ бин Таҳор ал-Авний ал-Ҳарзий 16 июнь куни мамлакат шимолидаги Шаддодий шаҳрида ўлдирилган. Унинг укаси Али бир кун олдин Ироқда йўқ қилинган эди.
Ал-Ҳарзий янги жиҳодчиларни ёллаш ва пул тўплаш ишлари билан шуғулланиб келган.
Пентагон расмийларининг фикрича, ал-Ҳарзийнинг йўқ қилиниши ИШИДга берилган жиддий зарба бўлди. Жумладан, энди гуруҳ хорижлик кўнгиллиларни Ироқ ва Сурияга ўтказишда жиддий қийинчиликларга учрайди.