Бағдоднинг шиалар яшайдиган даҳасида ва шаҳар четида бомбалар портлатилиши оқибатида 16 киши ҳалок бўлди. Бу ҳақда маҳаллий полиция хабар бермоқда.
Биринчи бомба 5 июль кечки пайт шаҳарнинг шарқий қисмида жойлашган шиалар яшайдиган ал-Обойдий даҳасида қаҳвахона олдида портлатилди. Бунинг оқибатида 4 киши ҳалок бўлди ва яна 14 киши яраланди.
Бағдоддан жануби-шарқий йўналишда жойлашган Жиср Диёла шаҳарчасида кичик ресторан олдида яна битта бомба портлатилди. Натижада 4 киши ҳалок бўлди, 11 киши яраланди.
Аввалроқ автобус бекатларидан бирида портлатилган бомба оқибатида 4 киши ҳалок бўлиб, 9 киши яраланган эди. Яна битта бомба Бағдоднинг шимоли-шарқий қисмида жойлашган Шулла туманидаги автобус бекатларидан бирида портлатилди, оқибатда 4 киши ҳалок бўлди.
Ироқ давлат госпиталлари ҳалок бўлганлар сонини тасдиқлади.