5 июлда кечки соат 18:00 ларда Россиянинг Пермь шаҳридаги Осинская ва Монастирская кўчалари кесишмасидаги масжидга эгнида битта шортик бўлган бир эркак бостириб кирган. Гувоҳларнинг айтишича, у ўзини бебошларча тутиб, “Аллоҳ буюк” деб бақириб, титроқ босган ҳолда, юзи эса кўк-оқиш рангда бўлган.
Полицияда таъкидашларича, эркак масжиддаги иккита эшикни тепиб синдирган ҳамда кўчага югуриб чиқиб, “тез ёрдам” чақиришни сўраган. Аниқланишича, эркак гиёҳванд модда истеъмол қилиш оқибатида маст ҳолатда бўлган. Тўполончи тиббий муассасага ётқазилгани маълум қилинмоқда.