Тана ранги турлича янги эгизаклар ҳақида хабарлар пайдо бўлди

Британия ОАВда ёзилишича, таналарининг ранги бошқача бўлган янги эгизаклар жуфтлиги аниқланди. The Daily Mail нашри уларнинг номини келтирди – Ғарбий Лондонда яшовчи тўрт ёшли Бобби ва Райли Жоржлар. Уларнинг онаси оқ танли Эбигейл Танг ҳамда отаси аралаш ирқ вакили Ричард Жорждир.
Эгизаклардан биринчиси – Боббининг танаси оқ рангда, кўзлари кўк, Райли эса қора танли, кўзлари жигарранг.
Эгизаклар 2011 йил октябрида дунёга келган. Дастлаб улар бир хил кўринган. Ташқи кўринишдаги фарқлар 6 ҳафтада кўзга ташлана бошлаган. Эгизакларнинг феъл-атворлари ҳам турличадир: Бобби борган сайин мустақил ва фаол болакайга айланиб бораётган бўлса, Райли, аксинча, камҳаракат ва эринчоқдир.
Жуфтликнинг 17 ойлик Амелия исмли қизи ҳам бор. Айтишларича, қизалоқ қисман отасига, қисман онасига ўхшайди.