Сурхондарё вилоятида 31 млн сўмдан ортиқ баҳога эга вентиляторларни ноқонуний реализация қилмоқчи бўлган тадбиркорлар қўлга олинди. Бу ҳақда “Ҳуқуқ” газетаси ёзмоқда.
Бойсун туманидаги Дарбант ЙПХ масканида ўтказилган тадбирда Бухоро-Денов йўналишида ҳаракатланиб келаётган ЗИЛ русумли юк автомобили текшириб тўхтатилганда, якка тартибдаги тадбиркорлар У. Холиқов ва А. Нурсаитовлар расмий ҳужжатларга эга бўлмаган, чет элда ишлаб чиқарилган 31.2 млн сўмлик вентиляторларни ноқонуний равишда сотиш учун олиб кетаётгани аниқланди.
Ҳолат бўйича жиноий иш қўзғатилди. Ашёвий далил сифатида олиб қўйилган вентиляторлар давлат фойдасига ўтказилди.
