Тошкентда Халқаро атом энергияси агентлигининг (МАГАТЭ) Ўзбекистон Фанлар Академияси Ядро физикаси институти билан ҳамкорликда ташкил қилган “МДҲ давлатлари тадқиқот реакторлари ҳамкорлиги” мавзуидаги 4-Халқаро кенгаши ўтказилмоқда. Бу ҳақда “Правда Востока” газетаси хабар бермоқда.
Тадбир иштирокчилари минтақанинг ушбу йўналишдаги энг йирик илмий муассаси бўлган ядровий физика институтининг олиб бораётган ишланмаларига юқори баҳо беришди.
Институт ходимлари, ўз навбатида, МАГАТЭ кўмагида охирги йилларда реакторда радиацион хавфсизлик тизимининг алмаштирилганини, бошқариш, ҳимоя ва электр таъминоти комплексларининг модернизация қилинганини таъкидлаб ўтишди. Айни пайтда вентилация ва совутиш тизимларини янгилаш лойиҳалари амалга оширилмоқда. Лойиҳаларнинг умумий қиймати 3 млн долларни ташкил қилади.