Microsoft компанияси 18 минг нафар ишдан бўшатилган ходимларига қўшимча тарзда янада кўпроқ ходимларни ишдан бўшатишни режалаштирмоқда, деб хабар бермоқда Reuters ахборот агентлиги.
2014 йилнинг июль ойида корпорация ходимлари сонини қисқартиришини эълон қилган эди ва шу йилнинг июнь ойи охирига қадар 14 фоиз ходимларини ишдан бўшатиб юборди. Қисқартилиши керак бўлган аниқ ходимлар сони маълум қилинмаяпти, бироқ қисқартиришлар асосан Microsoft`нинг Nokia`дан сотиб олган аппарат воситалар ишлаб чиқиш ва смартфонлар ишлаб чиқариш билан шуғулланувчи бўлимига тегишли бўлади.
Microsoft ўтган ойнинг ўрталарида Nokia`нинг собиқ раҳбари Стивен Элопни ишдан бўшатган эди. Корпорацияни Марк Пенн, Эрик Радден ва Кирилл Татаринов каби кўпгина муҳим шахслар ҳам тарк этди.