Қарши муҳандислик ва иқтисодиёт институти талабаси Нурбек Рашидов картошка териш агрегатини такомиллаштирди. Унинг қўлланилиши кўп томонлама меҳнат самарадорлигини ошириши таъкидланмоқда.
“Ҳосил териш технологиясининг ютуқ ва камчиликларини ўрганиб, янги ускуна яратишга киришдим, – унинг сўзларини келтиради Telegraf.uz сайти. – Ўқитувчилар ҳам катта ёрдам беришди, улардан кўп маслаҳат олдим. Натижада картошканинг юзасини зарарлантирмасдан тера оладиган агрегат ярата олдим”.
Агрегат Қамаши туманидаги Шўртепа фермер хўжалигида синовдан ўтказилди.
