XDA-Developers форумида ycavan ники остида иштирок этувчи дастурчилардан бири ASUS Zenfone 2 смартфонида Windows 7 дастурий тизимини ишга тушира олганини маълум қилди.
Тизимни дастурчи Android’даги эмулятор орқали ишга тушира олган. Смартфонни бунга тайёрлаш учун у виртуал машина яратилишини қувватловчи ядро ўрнатган. Бундан ташқари, Windows 7 хотира талаб қилгани боис каттароқ хотира картаси ўрнатишга тўғри келган.
Смартфонда ноутбук ва шахсий компьютерларда ўрнатилган процессорлар билан архитектураси бир хил Intel процессорининг ўрнатилгани ҳам ишни осонлаштирган. Айтилишича, Zenfone 2 Windows’нинг янгироқ версияларини ҳам қабул қилиши мумкин, негаки амалда у оддий компьютердай ишлайди.
