2015 йили Эрон нефть олишни кўпайтирмоқчи

Эрон миллий нефть компанияси шу йилнинг ўзидаёқ барча мавжуд конларда нефть қазиб олишни кўпайтиришини маълум қилди. Бу ҳақда маҳаллий Shargh газетаси ёзмоқда.

Fitch халқаро рейтинг агентлиги экспертларининг фикрича, Эронда нефть ишлаб чиқаришнинг тикланиши кейинги йилдаёқ тугалланади. Аммо санкциялар жорий қилингунига қадар бўлган кўрсаткичларга етиб олиш учун Эронга яна бир неча йил керак бўлади.

Ҳозир Эрон кунига 1.1 млн баррель нефть экспорт қилади. 2012 йили бу кўрсаткич 2.5 млн баррелга тенг эди.