Россиянинг Новосибирск шаҳрида номаълум шахс банкоматни портлатиб юборди, аммо портлашдан қўрқиб, ҳеч нарса олмай қочиб кетди. Бу ҳақда Интерфакс агентлиги хабар бермоқда.
Воқеа шанба куни маҳаллий вақт билан соат 2:00да содир бўлган. Эркак йирик банклардан бирининг биносига кириб, банкоматни портлатган. Аммо у пулларни олмай қочиб кетган. Ҳуқуқ-тартибот идораларининг маълум қилишича, у портлаш овозидан қўрқиб кетган.
Портлаш зарби яна иккита банкоматни зарарлантирган, деразаларни ва яқин орадаги уч машинанинг ойналарини уриб туширган.
