Муборак Рамазон ҳайити муносабати билан Ўзбекистон Республикаси Президенти Ислом Каримов номига хорижий мамлакатлар ва халқаро ташкилотлар раҳбарлари номидан самимий қутловлар келмоқда. Уларда давлатимиз раҳбарига мустаҳкам соғлиқ, муваффақиятлар, Ўзбекистон халқига тинчлик-хотиржамлик, равнақ ва фаровонлик тилаб, эзгу истаклар билдирилган.
Жумладан:
Икки муқаддас масжид ходими, Саудия Арабистони Подшоҳи Салмон бин Абдулазиз Ол Сауд;
Саудия Арабистони Подшоҳлиги Валиаҳди, Вазирлар Маҳкамаси раисининг ўринбосари, ички ишлар вазири Муҳаммад бин Нойиф бин Абдулазиз Ол Сауд;
Буюк Британия Бош вазири Дэвид Кэмерон;
Қатар Давлати Амири Шайх Тамим бин Ҳамад Ол Соний;
Қатар Давлати Амирлиги Валиаҳди Шайх Абдуллоҳ бин Ҳамад Ол Соний;
Қатар Давлати Бош вазири, ички ишлар вазири Шайх Абдуллоҳ бин Носир бин Халифа Ол Соний;
Жазоир Халқ Демократик Республикаси Президенти Абдулазиз Бутефлика;
Фаластин Давлати Президенти, Фаластин озодлик ташкилоти Ижроия қўмитаси раиси Маҳмуд Аббос;
Афғонистон Ислом Республикаси ҳукумати Ижроия кенгаши раиси Абдулла Абдулла;
Сингапур Республикаси Бош вазири Ли Сянь Лун;
Саудиялик ватандошлар Сафохон Жалолхон Тўра Марғилоний ва бошқалар;
Тошкент ва Ўзбекистон митрополити, Ўрта Осиё митрополия округи раҳбари Викентий ўз табрикларини йўлладилар.
Қутловлар келиши давом этмоқда, деб хабар берди УзА.