"Фиорентина" жамоасининг черногориялик ҳимоячиси Стефан Савич ўз фаолиятини "Атлетико"да давом эттиради.
24 ёшли ушбу футболчи Мадридда "Атлетико" билан 5 йиллик шартномага имзо чеккан.
Бироз олдинроқ, "матрасчилар" ушбу ҳимоячининг трансфери учун 12 млн евро сарфлагани ва бунга қўшимча равишда Марио Суарес "Фиорентина"га ижара асосида жўнатилгани маълум бўлганди.
Маълумот учун, Савич Италияга келгунга қадар Болқонда "Борч" ва "Партизан" жамоаларида, шунингдек, АПЛда "Манчестер Сити" жамоалари сафида ўйнаганди.