Одесса вилояти губернатори Михаил Саакашвили Одесса шаҳридаги "Ибица" клуби Чеченистон раҳбари Рамзан Қодировнинг яқин дўсти бўлмиш россиялик рэпер Тиматини концерт ўтказиш учун таклиф этганини тушунмаслигини билдирди.
У Тиматининг шаҳарга келишига қаршилигини билдирди.
"Украина озодлигини гиёҳвандлик билан тенглаштирганларга Украина саҳналарида жой бўлмаслиги керак. Мен "Ибица"ни яхши клублардан бири сифатида биламан. Тиматини эса Россиянинг агрессиясини тўла қўллаб-қувватлайдиган, қолаверса Донбассда қўлини қонга ботирган Рамзан Қодировнинг ҳамтовоқларидан бири сифатида биламан. Уни нега таклиф қилганингизга тушунмаяпман", деб ёзади Саакашвили ўз фейсбукида.
У қўшимча сифатида, Одессага Земфира, "ДДТ" ва Макаревич кабилар келса, уларни хурсандчилик билан кутишини таъкидлаб ўтган.
Эслатиб ўтамиз, бироз олдинроқ Земфира Тбилисидаги концерти вақтида мухлислардан бири узатган Украина байроғини ҳилпиратган ҳолда қўшиқ куйлаганди.