Лаос ҳудудида 19 нафар йўловчиси ва 4 нафар экипаж аъзоси бўлган Ми-17 с русумли ҳарбий вертолёт йўқолиб қолди. Бу ҳақда Radio Free Asia нашри хабар берган.
Маълум қилинишича, бу вертолёт Виттай аэропортидан ҳавога кўтарилганидан кейин алоқага чиқмаган.
Қутқарувчи гуруҳлар об-ҳаво ноқулайлиги туфайли қидирув ишларини бошлай олишмаяпти.
Бироз олдинроқ, Лаосда Словакиядан келтирилган, ўтган асрда ишлаб чиқарилган шундай русумдаги вертолёт ҳалокатга учраганди ва 1 киши ҳалок бўлганди.