УЕФАнинг амалдаги раҳбари Мишель Платини ФИФА президентлиги учун сайловга ўз номзодини қўйиши ҳақида расман маълум қилди. Бу ҳақда УЕФА расмий сайтида эълон қилинган.
"Мен жуда кўп ўйлашлардан кейин, футболнинг ва ўзимнинг келажагим учун қарор қабул қилдим. Мен ФИФА раҳбарлигига сайлансам, сизларнинг кўмак ва қўллаб-қувватларишингиз билан иш олиб бораман.
Шундай вақтлар бўладики, ўз тақдирингни ўзинг ҳал қилишинг керак. Мен бу қарорим ўз тақдирим ва ФИФА келажагида бурилиш нуқтасига айланишини ҳис қилмоқдаман", дейди Платини.
Эслатиб ўтамиз, ФИФАнинг янги раҳбарини аниқлаш учун 2016 йилнинг 26 февралида сайлов ўтказилади. Ҳозиргача бразилиялик мураббий Зико ҳамда аргентиналик Диего Армандо Марадона бу сайловда иштирок этиш ниятини маълум қилган. ФИФАнинг амалдаги раҳбари Йозеф Блаттер эса 2 июнь куни ташкилотда порахўрлик билан боғлиқ можаролар бошланганидан кейин муддатидан аввал ўз лавозимини тарк этишга қарор қилганди.