Rovio компанияси томонидан ишлаб чиқилаётган Angry Birds ўйининг янги, иккинчи қисми чиққанидан 12 соат ўтиб, у App Store ва Google Play’дан 1 млн марта, икки кун ичида эса жами 5 млн марта кўчириб олинди. Бу ҳақда YLE News хабар бермоқда.
Ўйиннинг янги қисмида қаҳрамонлар ўзгаришсиз қолди. Сюжет ҳам ўша-ўша – қушлар уларнинг тухумларини олиб қочган чўчқаларга қарши курашади.
