Шанба, якшанба ва ҳаттоки душанба кунлари ҳам 2015 йилнинг 1 августидан ёпилган №13 трамвай йўналиши бекатларида одамларни кўриш мумкин, деб ёзади «Газета.uz» интернет-нашри.
Манбанинг маълум қилишича, йўловчилар Мирзо Улуғбек ва Паркент кўчалари кесишмасида, собиқ «Машинасозлар» бозори, Эски ТошТИ ҳамда Кичик ҳалқа йўлидаги бекатларда трамвайни кутиб туришган.
Одамлар хабарни эшитиб: «Қанақасига? Бунақа бўлиши мумкин эмас! Ҳазиллашдингиз-а!» дея муносабат билдиришмоқда ва бироз ўтиб бекатларни тарк этишмоқда.
Эслатиб ўтамиз, 13 рақамли трамвай йўналиши сарф-харажат ўзини оқламаётгани сабабли 1 августдан бошлаб Шимолий Вокзал – Қўйлиқ йўналишигача қисқартирилганди.