Microsoft компанияси томонидан чиқарилган янги Windows 10 операцион дастури бутун дунё бўйлаб 67 млн компьютер ва бошқа қурилмаларга ўрнатилди. Бу ҳақда Windows Central портали хабар берди.
Шу асосдаги ҳисоб-китобларга қараганда, дастур чиқарилган дастлабки кунларда сайёра бўйлаб ҳар секундда ўртача 162 киши уни ўз ускунасига ўрнатган. Янги дастурий таъминотни имтиёзли олиш имконини берувчи Windows Insider дастури иштирокчиларининг сони ўша пайтда 5 млн фойдаланувчини ташкил қилар эди.
Microsoft яқин 3 йил ичида Windows 10 дастурий таъминоти 1 млрд ускунага ўрнатилишидан умид қилмоқда. Айни пайтда унинг Home, Pro, Enterprise ва Education версиялари мавжуд. Windows 10 Mobile кузда чиқади.
