Чеченистонда аёллар учун мўлжалланган илк пляж пайдо бўлди. Пляж майдони 5 минг квадрат метрдан ташкил топган бўлиб, 3 метрлик панжара билан ўраб чиқилган.
Пляж Грозний чеккасидаги Грозний денгизи деб аталувчи ҳавза соҳили бўйида, “Лагуна” дам олиш базасида очилди. Пляжга қум Каспий денгизидан келтирилди.
ТАСС ахборот агентлигининг маълум қилишича, пляжга фақатгина аёллар ва қизлар ҳамда 12 ёшгача бўлган ўғил болалар киришлари мумкин.
Пляж ҳудудида кафе, тиббий пункт ва намоз учун кичкина масжид мавжуд.
Хизмат кўрсатувчи персонал фақат аёллардан ташкил топган.