Chevrolet компанияси ўзининг Cruze русумли автомобилнинг янгиланган вариантини Таиландда намойиш этди. Бу ҳақда «Ўзавтосаноат» расмий сайти хабар тарқатмоқда.
Манбанинг ёзишича, янгича кўринишдаги мазкур машина янги электроник хусусиятлар билан бойитилган. Автомобил дизайни сезиларли равишда ўзгартирилган, радиаторга икки қаватли панжара ўрнатилган. Янгича капот, янгича олд бамперлар билан жиҳозданган.
Машинанинг орқа светодиодли ёритгичлари Chevrolet Camaro`нинг ёритгичларини эслатиб юборади. Орқа номерни жойлаштириш ўрни капот томининг ён қисмидан бамперга кўчирилган.
Cruze шунингдек янги 17 дюймли шиналар ўрнатилади. Асосий ўзгаришлардан бири эса Chevrolet MyLink дастурида ишловчи 7 дюймли мултимедиа дисплейи ўрнатилганида бўлди.
1,8 кучга эга Ecotec двигатели ва 141 от кучига эга янги авлод машинаси июнь ойида АҚШда намойиш қилинганди. Chevrolet Cruze янги авлоди АҚШ ва Канадада 2016 йилнинг бошида сотувга чиқарилиши режалаштирилган.