45 ёшли АҚШлик таниқли актриса Женнифер Энистон 44 ёшли актёр Жастин Теруга турмушга чиқди. Бу ҳақда 6 август куни CNN телеканали маълум қилди.
Никоҳ маросими 5 августда уларнинг Лос-Анжелес ташқарисидаги уйларида бўлиб ўтди.
Голливуднинг TMZ порталининг айтишича, жуфтлик ортиқча шов-шув кўтарилишидан қочиб, меҳмонларга Терунинг туғилган кунини нишонлашаётгани айтишган. Бироқ меҳмонлар келганда туғилган кун ўрнига тўй бўлиши маълум бўлган. Шу тариқа жуфтлик ахборотнинг ташқарига чиқиб кетиши ва папарацци ёғилиб келишининг олдини олишган.
Теру ва Энистон актрисанинг актёр Брэд Питт билан турмуши барҳам топгандан кейин тахминан 6 йил ўтиб, 2011 йилнинг баҳоридан бошлаб учрашишни бошлашган.