Ҳиндистоннинг Жаркҳанд штатида маҳаллий аҳоли жодугарликда айбланган 5 аёлни ўлдирди, деб хабар бермоқда NDTV агентлиги.
Полицияда маълум қилинишича, кечки пайт асосан ёшлардан иборат бўлган бир гуруҳ маҳаллий аҳоли вакиллари 5 аёлни уйидан олиб чиқиб, уларни ўласи қилиб таёқлар билан калтаклашган. Аёллар олинган жароҳатлардан ҳалок бўлишган.
Полиция вакилининг айтишича, шу воқеа сабабли 50 нафар киши қўлга олинди.
Қайд этилишича, бундай қотилликлар Ҳиндистонда мунтазам равишда содир этиб турилади. Ҳиндистон жиноятларни ҳисобга олиш миллий бюросининг маълумотларига кўра, 2000 йилдан 2012 йилгача давр мобайнида 2 мингдан кўпроқ шундай жиноят содир этилган.