Марказий банкнинг 5 августдаги қарори билан тижорий банклар фаолиятига доир ҳужжатларни сақлаш муддатлари рўйхатини қўллаш тўғрисидаги кўрсатмага ўзгартиш киритилди.
Қуйидаги ҳужжатларнинг сақланиш муддати 3 йилдан 5 йилга узайтирилди:
Баланс ҳисоблари ва кўзда тутилмаган вазиятлар ҳисоблари бўйича йиғма карталар ва текширув ведомостлари;
Бирламачи микромолиявий ташкилотлар бўйича ҳисобот карталари ва ведомостлар, филиаллараро айланма ҳисоблари бўйича йиллик айланма ведомостлардан кўчирмалар, ММТ ҳисоботларининг ахборотлаштириш марказлари ва ҳисоблаш марказлари томонидан ўрганилиши бўйича журналлар, табуляграммалар ва ҳ.к.;
Фондлар, маош лимитлари ва уларни тақсимлаш назорати, маош бўйича қарздорлик ва ортиқча харажатлар, таътил ва дам олиш пулларининг тўланиши бўйича маълумотлар;
Пул маблағлари ва моддий қимматликлар олиш ишончномалари;
Бинолар, иншоотлар ва асбоб-ускуна паспортлари;
Ҳисобот-операцион иш бўйича ёзишмалар;
Етказувчилар билан барча турдаги моддий-техник таъминот бўйича шартномалар.