Трамп АҚШдан ноқонуний муҳожирларни қувиб чиқармоқчи

Америкалик сиёсатчи ва миллиардер Дональд Трамп NBC телеканалига берган интервьюсида президентликка сайланган тақдирда мамлакатдан барча ноқонуний муҳожирларни қувиб юборишга ваъда берди.
“Улар кетиши керак”, – таъкидлади у.

“Биз улар билан ишлаймиз, – сўзида давом этди Трамп. – Бизда мамлакат ё бўлади, ё бўлмайди”.
Илгарироқ у Ҳиллари Клинтоннинг давлат ёзишмаларини шахсий почта орқали олиб борганлигини танқид остига олиб, уни “мамлакат тарихидаги энг ёмон давлат котиби” деб атаган эди.