Қозоғистон президенти Нурсултон Назарбоев иқтисодий сиёсат бўйича Оқ Ўрдада ўтказилган йиғилишда нефть нархларининг ўзгарувчанлигига тўхталиб ўтди. У, бутун жаҳон иқтисодиётида тушиш кузатилаётган бир пайтда Қозоғистон иқтисодиётининг ўсишини таъминлаш зарурлиги ҳақида гапираркан, бу ишга тўсқинлик қилаётган бир қатор омилларни санаб ўтди.
“Биринчидан, нефть ва металларга бўлган паст нархлар 5 йил давомида сақланиб туради. Иккинчидан, ривожланаётган мамлакатларнинг инвестиция ва капиталга чиқиши қийинлашади. Учинчидан, Қозоғистон маҳсулотлари бозори қисқариб бормоқда, бу Россия ва Хитой сингари асосий ҳамкорларимиз томонидан талабнинг кам бўлаётганига боғлиқ”, – деди Қозоғистон етакчиси.
Шунга асосан, Назарбоевнинг фикрича, Қозоғистон иқтисодиёти нефтнинг бир баррели 30-40 доллар туришига кўникиши ва унинг структуризацияси шунга кўра амалга оширилиши лозим.