Амстердам-Париж тезюрар поездида отишма содир этган шахс марокашликлиги айтилмоқда

Францияда Амстердам-Париж йўналишида ҳаракатланаётган тезюрар поездда отишма келтириб чиқарган шахс ҳибсга олиниб, тергов қилинмоқда.

L'Express нашрининг ёзишича, бу шахс 26 ёшда ва Марокаш фуқароси ёки келиб чиқиши марокашлик ҳисобланмоқда.

Уни поездда 2 нафар америкалик йўловчи зарарсизлантириб, қўлга олишган. Маълум қилишларича улар собиқ аскарлардир.

Бироз олдинроқ, поездда келиб чиққан бу отишма натижасида 3 нафар йўловчи жароҳатлангани ҳақида хабар берилганди.

Шунингдек, Франция ИИВ раҳбари Бернар Казнев поездда ўқ узган жиноятчини қўлга олган икки америкаликка миннатдорчилик билдирган.