Қозоғистонда мутлақо фойдаланилмаётган 14 млн га ер бор. Бу ҳақда Қозоғистон президенти Нурсултон Назарбоев Оқмўла вилоятида ўтаётган Агрофорум доирасида қилган чиқишида айтиб ўтди.
“Биз асосий ресурсимиз – еримиздан самарадор фойдаланмаяпмиз. Фақатгина 3та вилоятимизда 3.5 млн га умуман қўлланилмайдиган ер бор. Ижарага олишган, ишлатишмайди. Бунга йўл қўймаслик керак. Умуман олганда мамлакатимизда 14 млн га қишлоқ хўжалиги ерлари ишлатилмайди, шу жумладан 5 млн га яйловлар ҳам”, - унинг сўзларини келтиради КазИнформ агентлиги.
Шунингдек, Назарбоев танга курсининг беқарорлигини “тўғри тушуниш”га чақиргани хабар қилинган эди.