IFA-2015 кўргазмасида Haier компанияси иккита бакка эга кир ювиш машинасини намойиш қилди. Бу ҳақда компаниянинг матбуот хизматида хабар берилган.
Қурилма шундай қурилганки, бир вақтнинг ўзида икки барабанга кирларни жойлаш, айни вақтда ҳар бир барабан учун алоҳида кир ювиш тартибини белгилаш имконини беради.
Шундай қилиб, бир вақтнинг ўзида бир кир ювиш машинасида ҳам оқ, ҳам рангли нарсаларни, пахта ва жундан тайёрланган либосларни ювиш мумкин бўлади. Юқори бакка 4 килограмм, қуйидаги бакка эса 8 килограмм кир жойлаш мумкин.
Машинанинг ўлчамлари 128х60х60 см.
IFA-2015 кўргазмасида ушбу компанияга кир ювиш воситаларини ишлаб чиқариш соҳасидаги махсус мукофот топширилган. Бу Haier компаниясининг тўққизинчи мукофоти саналади.