Тожикистон прокуратураси Назарзодани давлатга хиёнат қилганликда айблади

Тожикистон бош прокуратураси исёнчи генерал Абдуҳалим Назарзодани давлатга хиёнат қилганликда ва террорчиликда айблади.
Бош прокурорнинг баёноти марказий телевидение орқали ўқиб эшиттирилди.

Бундай айбловлар Назарзоданинг тарафдори полковник Жунайдулло Умаровга ҳам қўйилди. У Душанбе ва Ваҳдат шаҳарларида бўлиб ўтган қуролли тўқнашувларда бевосита иштирок этган эди.
Шу билан бирга, Назарзода шу пайтгача генераллик унвонидан ҳам, давлат мукофотларидан ҳам маҳрум қилингани йўқ.