Украина президенти Пётр Порошенко ниҳоят Донбассда тинчлик ҳукм сураётгани, бу ҳудудда томонлар "Минск келишувлари"га амал қилишаётгани ҳақида баёнот берди.
"29 август кунидан буён, охирги ярим йил ичида биринчи марта фронтда бутунлай тинчлик ҳукм сурмоқда. Кеча ҳам, ундан олдинги кунларда ҳам, бугун ҳам томонлар биронтаям ўқ узишмади", дейди президент.
Унинг қўшимча қилишича, Луганск вилоятидагина, "Минск келишувлари"да назарда тутилган чизиқлардан ташқарида кичик тўқнашувлар содир бўлган.
"Минск келишувлари"га риоя қилинмоқда. Буни ўқ узишлар бўйича ҳисоботга қарасангиз, кўришингиз мумкин", дейди Порошенко.
Шу билан биргаликда, Порошенко Киев ўз армиясини мустаҳкамлашда давом этиши ва ҳар дақиқада рўй бериши мумкин бўлган кутилмаган ҳолатларга тайёр туришини маълум қилган.