11 сентябрь куни "Леванте" ва "Севилья" баҳси орқали Ла Лигада 3 турга старт берилди.
"Леванте" жиддий рақибдан очко тортиб ола олди ва эндиликда бу икки жамоа 2тадан очко билан 13 ва 14 ўринларда жойлашган.
Леванте – Севилья 1:1 (0:1, 1:0)
Голлар: 0:1 – 12 Нзонзи, 1:1 – 58 Камараса.
Огоҳлантиришлар: Какута (5), Коноплянка (38), Моралес (62), Тремулинас (63), Хуанфран (81), Гилас (82)
Бугун турнинг асосий ўйинлари бўлиб ўтади.
"Эспаньол" - "Реал"
Дастлаб Каталониянинг иккинчи жамоаси "Эспаньол" Мадриднинг "Реал" жамоасини қабул қилади. Бу ўйин арафасида мадридликларнинг асосий ўйинчиларидан бири Хамес Родригес жароҳат олган. Ўйин Тошкент вақти билан соат 19:00да бошланади.
"Спортинг Хихон" - "Валенсия"
Лиганинг яна бир кучли жамоаларидан бири "Валенсия" бу турни дебютант "Спортинг Хихон" майдонида ўтказади. Икки жамоа ҳам ўтган турларда фақат дуранг натижалар қайд этган.
"Атлетико" - "Барселона"
Турнинг марказий баҳси Мадридда "Атлетико" ва "Барселона" ўртасида ўтказилади. Бу ўйин Тошкент вақти билан соат 23:30да бошланади ва «НТВ + Футбол 2» канали орқали жонли равишда эфирга узатилади.
Ушбу турдан шунингдек, "Бетис" – "Реал Сосьедад", "Гранада – "Вильярреал", "Атлетик" – "Хетафе", "Сельта" – "Лас-Пальмас", "Малага" – "Эйбар", ҳамда "Райо Вальекано" – "Депортиво" баҳслари ўрин олган.
Айни вақтда турнир жадвалининг энг юқори 2 ўрнида кутилмаган равишда "Сельта" ва "Эйбар" жамоалари жойлашган.