Кремлда Владимир Путиннинг сайтини бузишга ҳаракат қилингани маълум қилинди

Россия президенти матбуот котиби Дмитрий Песков хакерлар Владимир Путиннинг сайтига кучли DDoS-ҳужумни уюштирганларини маълум қилди. Бу ҳақда ТАСС ахборот агентлиги хабар бермоқда. 

Песковнинг айтишича, ҳужум қайтарилган.
“Ишончим комилки, мутахассислар бу ҳужум қаердан амалга оширилгани биладилар”, деб айтиб ўтди Песков.

Бироқ Песков бу ҳақда ҳали хабар олмаганини тан олди, чунки Владимир Путинга Магас ва Душанбеда ҳамроҳлик қилган.

2014 йил март ойида Путин сайти кучли хакерлик ҳужумига учраб, узилишлар билан ишлаган эди.